Ўзбекистондаги илк коронавирус тўғрисида қўшимча маълумот берилди

© REUTERS / CHINA DAILYЛечение пациентов в центральной больнице города Ухань
Лечение пациентов в центральной больнице города Ухань - Sputnik Ўзбекистон
Oбуна бўлиш
13 март куни бемор томоғида қичишиш, тана ҳарорати кўтарилиши ҳамда йўтал белгилари билан шифохонага ётқизилган.

ТОШКЕНТ, 15 мар — Sputnik. Ўзбекистонда қайд этилган илк коронавирус инфекцияси тўғрисида қўшимча маълумот тақдим этилди.

Санитария-эпидемиологик осойишталик агентлигининг маълум қилишича, 14 март куни Республика Вирусология илмий-тадқиқот институти клиникасига COVID-19 коронавирус инфекциясига гумон қилиниб, 1 нафар бемор ётқизилган. Бемор 2020 йилнинг 28 феврал - 11 март кунлари Францияда сайёҳатда бўлган.

11 март куни Париж-Тошкент 252-рейси билан Тошкентга учиб келган. Тошкент халқаро аэропорти санитария-карантин пунктида термометрия ҳамда бирламчи тиббий текширувдан ўтказилган ва текширув давомида касаллик белгилари аниқланмаган. Асосий яшаш манзилига аниқлик киритилиб, уй шароитида 14 кунлик тиббий кузатувга олинган.

“Жорий йилнинг 13 март куни бемор томоғида қичишиш, тана ҳарорати кўтарилиши ҳамда йўтал белгилари билан шифохонага ётқизилган”, - дейилган хабарда.

Бемордан 14 март куни коронавирус инфекциясига лаботория таҳлили учун Вирусология илмий-тадқиқот институти клиникасига намуна олинган ва 15 март куни соат 06.00да намуна жавобларига кўра коронавирус инфекцияси борлиги тасдиқланган.

Самолётда бемор билан 48 нафар йўловчилар келган. Улардан 24 нафари транзит йўловчилар бўлиб, қолган 24 нафари Ўзбекистонда қолган. Ушбу фуқароларнинг 4 нафари Франция, 1 нафар Италия ва 1 нафар Бразилия фуқаролари ташкил қилади.

Усиление санитарно-карантинного контроля в аэропортах - Sputnik Ўзбекистон
Санитария-эпидемиологик осойишталик агентлиги фуқароларга эслатма билан чиқди

Ўзбекистонда қолган 24 нафар фуқаролар асосий яшаш манзили бўйича рўйхатлари шакллантирилди. Уларни 14 кунлик карантин ўтказиши учун махсус тайёрланган муассасаларга жойлаштирилди.  Шунингдек, Ислом Каримов номидаги Тошкент халқаро аэропортида 11 март куни фаолият олиб борган 69 нафар чегара қўшинлари, божхона, аэропорт ходимларининг рўйхати шакллантирилди ҳамда махсус муассасаларда 14 кунлик тиббий кузатувга олинди.

Беморнинг 10 нафар оила аъзолари тўлиқ текширувдан ўтказиш учун Вирусология илмий-тадқиқот институти клиникасига жойлаштирилди. Бемор истиқомат қилувчи кўп қаватли уй ва бемор хонадонида дезинфекция тадбирлари ўтказилди. Шу билан бирга, мазкур кўп қаватли уйда яшовчи 230 нафар фуқаролар рўйхати шакллантирилиб, тиббий кузатувга олинди.

Эслатиб ўтамиз, 15 март куни Ўзбекистонда коронавирус билан боғлиқ илк ҳолат қайд этилгани расман эълон қилинган эди. Ҳукумат инфекциянинг тарқалишини олдини олиш мақсадида турли чораларни кўрмоқда, жумладан, ўқувчи ва талабаларга таътил берилди, Наврўз ва бошқа тадбирлар бекор қилинди.

Янгиликлар лентаси
0