Sputnik радиосида, юридик фанлар номзоди, сиёсий фанлар номзоди, Россия президенти ҳузуридаги Россия халқ хўжалиги ва давлат бошқаруви академиясининг доценти Кира Сазонова ушбу вазиятга изоҳ берди.
Яқинда Нидерландиянинг Bonanza Media платформаси томонидан нашр қилинган Донбассда 2014 йилда Малайзиянинг Боинг ҳалокати билан боғлиқ баъзи хужжатлар ҳақиқийдир. Бу ҳақда Австралия полицияси вакили РБКга хабар берди.
Унинг таъкидлашича, материаллар маҳкама рухсатисиз нашр қилинган.
Шу билан бирга, полиция вазият тафсилотларини изоҳлашдан бош тортди ва Нидерландияда 9 мартда бошланадиган суд жараёнини кутишга чақирди. Bonanza Media платформаси илгари MH17 иши билан боғлиқ бир нечта ҳужжатларни эълон қилган, улардан иккитаси Австралия ҳуқуқ-тартибот идоралари билан боғлиқ. Нашр қилинган материалларнинг бирида Нидерландия разведкаси ҳалокат содир бўлган жой яқинида бирон бир “Бук” зенит-ракета комплексларининг жойлашуви тўғрисида маълумотга эга эмаслигини тан олади.
Sputnik радиосида, юридик фанлар номзоди, сиёсий фанлар номзоди, Россия президенти ҳузуридаги Россия халқ хўжалиги ва давлат бошқаруви академиясининг доценти Кира Сазонова ушбу вазиятга изоҳ берди.
"Мен ўз хатоларини тан олишдан қўрқмайдиган ва яқинда MH17 фожеасига муносабатини сезиларли даражада ўзгартирган Австралиянинг позициясини қайд этмоқчиман. Агар 2018 йилда улар Нидерландия позицияси билан тўлиқ бирдам бўлиб, бирлашган жабҳада ҳаракат қилишган бўлса, энди улар, менимча, ўз риторикаси жуда тўғри йўналишга ўзгартирди. Яъни, улар аллақачон Россия Федерациясига қарши исботланмаган айбловларни тўҳтатдилар, Россия фожиа учун жавобгарликни ўз зиммасига олиши кераклиги ҳақида камроқ гапиришни бошладилар. Бу катта плюс", - дейди Кира Сазонова.
Унинг сўзларига кўра, Нидерландияда бўлажак суд кўп саволларни вужудга келтирмоқда. Хусусан, иш учун бириктирилган тасдиқланмаган маълумотларнинг кўплиги туфайли. Ва бу жуда қўрқинчли, дейди мутахассис.
"Мен сиёсийлаштирилган суд деб атаётган ушбу суднинг қонунга мослиги менда катта саволлар ва шубҳаларни туғдиради. Иккинчи масала: мени яқинлашиб келаётган суд нуқтаи назаридан чалкаштираётган нарса: фожиадан кейин салкам олти йил давомида, далил сифатида ишлатиладиган жуда катта хажмдаги ҳужжат базасини таснифлаш мумкин эди. Бу ҳақиқатан ҳам қўрқинчли. Аслида ҳужжатларнинг озгина фоизининг ошкора бўлиши, менинг фикримча, бугунги кунда унинг ҳақиқийлигини тўғри текшириш ва қолганларининг ҳам ҳақиқийлигини текширишга имкон бермайди. Буларнинг барчаси Нидерландияда март ойида бўлиб ўтадиганларнинг қонунийлигини шубҳа остига қўяди", - дея якунлади сўзини Кира Сазонова.
Амстердамдан Куала-Лумпурга MH17 рейси билан учган Малайзиянинг Боинг-777 самолёти 2014 йил 17 июл куни Донецк яқинида қулаб тушди. Бортда 298 киши бўлган, уларнинг барчаси ҳалоқ бўлган. Қурбонларнинг аксарияти Нидерландия фуқаролари бўлган.
Киев фалокатда кўнгилли қўшинларни айблади. Улар эса бу баландликда ҳаво кемасини уриш имкониятига эга эмаслигини маълум қилишди.
Терговни Нидерландия бошчилигидаги халқаро гуруҳ олиб бормоқда. Унинг ҳисоботида айтилишича, Боингни зарб этган “Бук” зенит-ракета комплекси Россиядан келтирилган бўлиб, кейинчалик қайтариб олинган.
Москва тергов нохолис олиб борилаётганини ва унинг натижалари фақат Украинадан олинган маълумотларга асосланганини билдирган.
