ТОШКЕНТ, 10 фев – Sputnik. Сингапурлик олимлар янги коронавирусга қарши вакция яратиш бўйича иш олиб бормоқда. The Straits Times нашри хабарига асосан.
10 Феврал 2020, 13:42
Таъкидланишича, 3 ойдан сўнг синовдан ўтказиш режалаштирилган.
Иммунитетга таъсири ва салбий ҳолатларни аниқлаш мақсадида синов соғлом кишиларда ўтказилади.
Бундан аввал Россия соғлиқни сақлаш вазири Михаил Мурашко, янги коронавирусга қарши вакцина тайёрлаш учун 8-10 ой муддат кераклигини таъкидлаганди.
Хитой ҳукумати янги вирус тарқалишини олдини олиш ва профилактикасига 71,8 миллиард юан (тахминан 10,3 миллиард доллар) ажратгани маълум бўлди.
Бугунги кунда янги коронавирус билан 40,1 мингдан ортиқ киши касалланди. Вирусдан 908 киши вафот этди.
