Фуқаро МИБ ёрдамида 119,1 млн. сўмлик омонатини қайтариб олди

© Sputnik / Дильшода РахматоваСотрудник Бюро принудительного исполнения заполняет документы
Сотрудник Бюро принудительного исполнения заполняет документы - Sputnik Ўзбекистон
Oбуна бўлиш
Сурхондарёнинг Денов туманида яшовчи қарздордан шу туманда яшовчи аризачининг 119,1 млн. сўмлик омонати ундириб берилди.

ТОШКЕНТ, 13 янв – Sputnik. Сурхондарёнинг Денов туманида яшовчи қарздордан шу туманда яшовчи аризачининг 119,1 млн. сўмлик омонати ундириб берилди. Бу ҳақда Республика Мажбурий ижро бюроси ахборот хизмати маълум қилмоқда.

Узбекская валюта - сум - Sputnik Ўзбекистон
МИБ ноқонуний ишдан бўшатилган ходимнинг иш ҳақини ундириб берди

Қайд этилишича, фуқаро М.Шукурова 14.02.2018 йилдан буён фуқаро З.Бобомуротовадан олган  119,1 млн. сўмлик омонатини қайтармай келган.

Денов туманлараро судининг 14.02.2018 йилдаги қарздорликни ундириш тўғрисидаги ижро ҳужжати бўйича Бюронинг Термиз шаҳар бўлимида ижро иши юритилган.

Ижро ҳаракатлари давомида қарздорнинг мулкий ҳолатини аниқлаш мақсадида ваколатли органларга сўровномалар юборилиб, олинган жавоб хатларида қарздорга тегишли бўлган мол-мулклар йўқлиги аниқланган. Шунга кўра қарздорнинг Ўзбекистон Республикаси ҳудудидан четга чиқиш ҳуқуқлари вақтинчалик чекланган.

Олиб борилган мажбурий ижро ҳаракатлари натижасида, ижро ҳужжатида кўрсатилган 119,1 млн. сўм миқдоридаги қарздорлик суммаси тўлиқ ундирилиб берилган.

Янгиликлар лентаси
0