ТОШКЕНТ, 30 дек — Sputnik. Ўзбекистоннинг Ақтау шаҳридаги (Қозоғистон) бош консулхонаси йўл-транспорт ҳодисаси оқибатида Ўзбекистон фуқаролари вафот этгани ва жароҳатлангани хабарни рад этди. Бу ҳақда ТИВ матбуот хизмати хабар қилди.
Аввалроқ ОАВда 2019 йил 29 декабрь куни Ақтобе-Мартук-Оренбург автомобил трассасининг 31-километрида содир бўлган ЙТҲ оқибатида мамлакат фуқаролари вафот этгани тўғрисида хабарлар тарқалган эди.
Бош консулхонага Қозоғистоннинг расмий органлари тасдиқлашича, жароҳатланганлар ва вафот этганлар орасида Ўзбекистон фуқаролари қайд этилмаган.
Консуллик-ҳуқуқий департаменти Қозоғистоннинг Ақтобе, Атирау, Манғистау ва Ғарбий Қозоғистон вилоятларида бўлиб турган Ўзбекистон фуқаролари зарур ҳолларда мамлакатнинг Ақтау шаҳридаги Бош консулхонасига +7-29-277-71-17 телефон рақами орқали мурожаат қилишлари мумкинлигини эслатган.
