ТОШКЕНТ, 10 дек - Sputnik. Қирғизистоннинг собиқ президенти Алмазбек Атамбаевни суд-психиатрия экспертизага жўнатишди. Бу ҳақда РИА Новости мамлакат ИИВ матбуот хизмати хабарига таяниб хабар қилмоқда.
“Жиноят-процессуал кодексининг 171-моддасига мувофиқ (Экспертиза тайинлаш учун асос) 16 нафар оғир ва ўта оғир жиноятларда гумон қилинувчиларга, жумладан, Алмазбек Шаршенович Атамбаевга суд-психиатрия экспертизасини тайинлаш тўғрисида қарор қабул қилинди. Улар ижро учун Республика психиатрия саломатлик марказига юборилди”, - дейилади хабарда.
Эслатиб ўтамиз, аввалроқ Қирғизистоннинг собиқ президенти Алмазбек Атамбаев терговга тўсқинлик қилишда гумон қилинаётгани хабар қилинган эди.
