ТОШКЕНТ, 8 ноя - Sputnik. Ўзбекистон ҳудуди устида бир неча кун давомида ҳукмронлик қилган совуқ антициклон чекинишни бошлайди, бу кечки совуқларнинг бироз пасайиши ва кундузги ҳароратнинг озгина кўтарилишига олиб келади, деб хабар қилмоқда "Ўзгидромет".
11 Октябр 2019, 13:39
Таъкидланишича, 9-10 ноябрь кунлари кам булутли об-ҳаво сақланиб туради. Кечаси ҳарорат 0-5 даража, кундузи 12-17 даража илиқ бўлиши кутилмоқда.
"Якшанбада Қозоғистон ҳудуди бўйлаб навбатдаги совуқ ҳаво оқими ўтади. Республикамиз ана шу совуқ оқим чегарасида бўлади. Шу сабабли булутлар кўпайиб, ҳарорат 2-3 даражага бир оз пасаяди", - дейилган хабарда.
Эслатиб ўтамиз, сал олдин Ўзбекистон ТИВ Қозоғистонга йўл олган фуқароларга огоҳлантириш билан чиққани ҳақида хабар қилган эдик.
