ТОШКЕНТ, 7 сен - Sputnik. АҚШ президенти Дональд Трамп Москва ва Киев ўртасидаги келишув доирасида қўлга олинган шахсларнинг қайтарилганлиги муносабати билан табриклади.
АҚШ етакчиси бу воқеликни "тинчлик сари эҳтимолий улкан қадам", деб атаган.
Эслатиб ўтамиз, Россия ва Украина ёз ойлари охирида судланган ва қўлга олинган шахсларни озодликка чиқариш бўйича ишларни бошлаб юборган эдилар. РФ президенти Владимир Путин Шарқий иқтисодий форумда бу масала қисқа вақтда ҳал этилажагини айтган эди.
Бугун, шанба куни, ушбу жараён доирасида фуқаролар РФ ва Украинага қайтдилар.
"Россия ва Украина ҳозиргина каттагина миқдордаги асирлар билан алмашдилар. Жуда яхши хабар, эҳтимол тинчлик сари биринчи улкан қадамдир. Иккала мамлакатга табриклар!" - деб ёзган Трамп ўз Twitterида.
