ТОШКЕНТ, 28 июл – Sputnik. Ливиянинг Ал-Жуфра аэропортида Украина авиакомпаниясига тегишли бўлган 2та Ил-76ТД самолётлари йўқ қилинди, самолётлардан бирининг экипажи ҳам қурбон бўлган, деб хабар қилмоқда РИА Новости.
Хабарда айтилишига кўра, ушбу самолётлар ҳукумат қўшинларининг ҳужуми натижасида йўқ қилинган. Маълумотлар аэро-фото суратлар билан тасдиқланган. Маълумки, Ал-Жуфра аэропорти айни дамда мухолифат кучлари қўлида ушлаб турилмоқда.
Дастлабки маълумотларга кўра, Украинанинг ООО "Европа Эйр" компаниясига тегишли бўлган ушбу икки самолёт, мухолифат кучларига қурол-яроғ етказиб бераётган бўлган.
Украина Давлат Авиация хизмати 26 июл соат 00:00дан бошлаб ООО "Европа Эйр" компанияси лицензиясини (UK 046) тўхтатиб қўйган. Украина ҳаво кемалари давлат реестрига кўра Европа Эйр 1990 – 1992 йилларда ишлаб чиқарилган бешта юк самолётларидан фойдаланиб келган: UR-BXS, UR-CMC, UR-CRN, UR-CRP и UR-EAB.
