ТОШКЕНТ, 15 июл – Sputnik. Инвестициялар ва ташқи савдо вазири Сардор Умурзаков Осиё инфратузилмавий инвестициялар банки (ОИИБ) президенти Цинь Лицюнь билан Люксембургда ўтказилган бошқарувчилар кенгаши йиллик мажлисида учрашув ўтказди. Бу ҳақда вазирлик матбуот хизмати хабар қилди.
Учрашувда ўзаро ҳамкорликнинг юқори кўрсаткичлари қайд этилган. Цинь Лицюнь ОИИБ ва Ўзбекистон ўртасидаги муваффақиятли ҳамкорлик тарихи бошқа иштирокчи-давлатлар учун намуна бўлиши мумкинлигини эътироф этган.
Шунингдек, яқин кунларда ОИИБ бошқарувчилар кенгашининг йиллик йиғилишини Ўзбекистонда ўтказиш имконияти ҳам муҳокама қилинган.
Жаҳон Банки Фарғона водийси тадбиркорларига 200 миллион $ кредит беради
Учрашув якунида Бухоро вилоятида сув таъминоти, канализация ва йўл қурилиши соҳасида умумий қиймати 600 миллион доллардан ортиқ бўлган лойиҳаларни амалга ошириш бўйича келишув имзоланди.
