ТОШКЕНТ, 14 июн - Sputnik. АҚШ ҳаракатлари Яқин ва Ўрта Шарқ минтақасидаги барқарорликка жиддий хавф солмоқда, деб баёнот қилди Эрон президенти Ҳасан Руҳоний.
"АҚШ ҳукумати охирги икки йил давомида, барча халқаро тузилмалар ва қоидаларни бузган ҳолда, ўз иқтисодий, молиявий ва ҳарбий имкониятларини ишга солиб агрессив ёндашувни ҳаётга татбиқ этмоқда ва бу билан минтақадаги ва жаҳондаги барқарорликка жиддий хавф солмоқда", - деди Эрон президенти ШҲТ давлат раҳбарлари кенгаши йиғинида.
ШҲТ саммити 13-14 июнь кунлари Бишкекда бўлиб ўтмоқда.
ШҲТ таркибига саккизта давлат киради - булар Ҳиндистон, Қозоғистон, Қирғизистон, Хитой, Покистон, Россия, Тожикистон ва Ўзбекистон). Мўғулистон, Эрон, Афғонистон ва Беларусь кузатувчи-давлатлар мақомига эга. Олтита давлат - Шри-Ланка, Туркия, Озарбайжон, Арманистон, Камбоджа ва Непал - мулоқот бўйича шериклар ҳисобланади.
