Жамият

Янги ўзгариш: хорижга чиқиш паспортини расмийлаштиришга доир ҳужжат тасдиқланди

© ГУВД г. ТашкентаПервые загранпаспорта вручены своим владельцам
Первые загранпаспорта вручены своим владельцам - Sputnik Ўзбекистон
Обуна бўлиш
НовостиTelegram
Олдинги ариза-анкета шаклидан қатор маълумотлар чиқариб ташланди.

ТОШКЕНТ, 22 май – Sputnik. Адлия вазирлиги томонидан Ички ишлар вазирлиги билан ҳамкорликда 16 ёшдан катталар ва 16 ёшга тўлмаган вояга етмаганлар учун хорижга чиқиш биометрик паспортини расмийлаштириш учун янги анкета шакллари ишлаб чиқилди ва давлат рўйхатидан ўтказилди.

Узбекский паспорт - Sputnik Ўзбекистон
Жамият
Паспорт тизими тўғрисидаги низомга ўзгартириш киритилди

Амалдаги ариза-анкетанинг шакли 16 та бандни ўз ичига олган 4 варақдан иборат бўлиб, унда кўрсатилиши лозим бўлган маълумотларнинг аксарияти тегишли идораларнинг маълумотлар базалари орқали идоралараро маълумот алмашиш йўли билан аниқланиши мумкин.

Янги анкета шакли 1 варақда ва унда кўрсатилиши зарур бўлган маълумотлар 11 та банддан (16 ёшга тўлмаган вояга етмаганлар учун 9 та банддан) иборат бўлиб, тегишли катакларни тўлдириш орқали шакллантириладиган тарзда тайёрланди.

Олдинги ариза-анкета шаклидан қуйидагилар чиқариб ташланди:

- аризачининг яқин қариндошлари, жумладан, ота-онаси, болалари,

- агар ўзаро никоҳда болалари бўлган бўлса, собиқ турмуш ўртоғи ҳақидаги маълумотлар;

-  аризачига суд томонидан қўйилган, ижро этилмаган мажбуриятлари мавжудлиги, судда фуқаролик даъвоси кўзғатилганлиги тўғрисидаги маълумотлар;

-  аризачининг хорижга чиқишдан мақсади (қайси давлатга ва мақсади), унга нисбатан жиноят иш қўзгатилганлиги ҳақидаги маълумотлар;

Паспорт и бланк в руках - Sputnik Ўзбекистон
Жамият
Тошкентда фуқаролар паспорт алмаштириши учун қулайликлар яратилди

-  ариза-анкета шаклининг корхона, муассаса, ташкилот ёки фуқароларнинг ўзини ўзи бошқариш органлари томонидан имзоланиши ва муҳр билан тасдиқланиши ҳақидаги талаб;

-  аризачи сўнги 2 йил мобайнида қачон ва қайси хорижий давлатларда бўлганлиги ҳақидаги маълумотлар;

-  аризачи хорижий давлатларнинг қонунларига риоя қилмагани учун шу давлатнинг хуқуқни муҳофаза қилиш хизматлари томонидан маъмурий ёки жиноий жавобгарликка тортилганлиги тўғрисидаги маълумотлар;

-  аризачининг сўнгги 5 йилдаги меҳнат фаолияти ҳақида меҳнат дафтарчасидан кўчирма талаб қилиш.

Мазкур анкета, ички ишлар органларининг миграция ва фуқароликни расмийлаштириш бўлинмалари (маълумотларни йиғиш пункти)нинг масъул ходими томонидан шакллантирилиб, анкета берган шахсга таништирилади ҳамда у томонидан имзоланади.

Маълумотларни йиғиш пунктининг масъул ходими томонидан анкетада кўрсатилган маълумотларни тасдиқловчи ҳужжатларни талаб қилиш тақиқланади.

Янгиликлар лентаси
0