ТОШКЕНТ, 3 июн – Sputnik. Ўзбекистонда нобиометрик паспортлар тугашига бир ойдан кам вақт қолиши муносабати билан Тошкент шаҳар ИИББ Миграция ва фуқароликни расмийлаштириш бўлимлари иш вақтига ўзгартиришлар киритилди.
"11 тумандаги барча бўлимлар эрталаб соат 8:00 дан фуқароларни қабул қилишни бошлайди. Бундан ташқари эндиликда якшанба- дам олиш кунида ҳам аҳолига хизмат кўрсатиш йўлга қўйилди. Ҳурматли фуқаролар, cиздан ўз вақтида паспортингизни алмаштиришни сўраймиз”, — дейилган хабарда.
Тошкент шаҳар ИИББ матбуот хизмати хабарига асосан.
