ТОШКЕНТ, 21 мар - Sputnik. Хонанда Севара Назархон Қўқон хони Худоёрхон авлодидан эканлиги ҳақида хабар тарқалди.
"Худоёрхон саройи ҳақида мухтасар маълумот. Мажмуа XIX асрда қурилган бўлиб, бугунги кунгача 114 та хонанинг 19 таси сақланиб қолинган. Бугун нафақат Худоёрхон саройи сақланиб қолинган, балки унинг авлодлари ҳам Ўзбекистонда яшамоқда. Халқимизнинг севимли хонандаси Севара Назархон ҳам Худоёрхоннинг саккизинчи авлоди ҳисобланади", - дейилади "Зарафшон" газетаси тарқатган хабарда.
Айни вақтда ушбу тарихий маскан, унинг атрофида барпо этилаётган халқаро ҳунармандчилик фестивалини ўтказиш учун ишлар олиб борилмоқда, шаҳарда ободонлаштириш ва бунёдкорлик ишлари амалга оширилмоқда.
