ТОШКЕНТ, 9 мар - Sputnik. Жомбой тумани, Қўнғирот маҳалласи ҳудудидаги Қорақасмоқ отчопарида Наврўз умумхалқ байрами муносабати билан 17 март куни халқаро кўпкари ўйинлари ўтказилади, деб хабар қилди Самарқанд ҳокимлиги матбуот-хизмати.
29 Апрел 2017, 16:31
Кўпкари мусобақасида республиканинг барча вилоятларидан ҳамда қўшни давлатлар: Тожикистон, Қозоғистон, Қирғизистондан 2 мингга яқин чавандозлар қатнашиши кутилмоқда.
Биринчиликни қўлга киритган чавандозга автомашина берилади.
Шунингдек, ғолиб ва совриндор чавандозларни туя, от, хўкиз, пул мукофоти, телевизор, музлаткич, гилам ва бошқа қимматбаҳо совғалар кутмоқда.
"Барча чавандозларимизни мазкур миллий ўйинга таклиф қиламиз", - дейилади хабарда.
