ТОШКЕНТ, 25 фев - Sputnik. Ўзбекистоннинг Куала-Лумпурдаги элчихонаси ташаббуси билан Малайзиянинг Перлис штати муфтийси Моҳд Асри бин Зайнул Абидин Ўзбекистоннинг фахрий зиёрат туризм элчиси этиб тайинланди, деб хабар қилди Ўзбекистон ТИВ матбуот хизмати.
2019 йил 21−23 февраль кунлари Бухорода ўтказилган Биринчи халқаро зиёрат туризми бўйича форумда Ўзбекистон тарихида биринчи марта унга элчилик сертификати тақдим этилди.
Фахрий элчи ижтимоий тармоқларда Ўзбекистонни сайёҳлар учун жозибали йўналиш сифатида фаол равишда тарғиб этмоқда, шунингдек, Ўзбекистонга ташриф буюрадиган сайёҳлик гуруҳларига малайзиялик ислом олимларни доимий равишда жалб қилиш бўйича иш олиб бормоқда.
