ТОШКЕНТ, 24 янв – Sputnik. Sputnik “Ўзбекистонга 100 минг сўм қийматидаги купюра керакми?” мавзусида сўров ўтказди.
Ўтган ҳафтада Олий Мажлис Сенати Олий Мажлис Сенати 100 000 (юз минг) сўмлик банкнота намунаси ва дизайнини маъқуллаган эди.
Марказий банк томонидан йирик номиналдаги банкнота аҳоли учун нақд пуллар билан ҳисоб-китобларни амалга оширишда қулайликлар яратиш мақсадида муомалага чиқарилмоқда.
Sputnik ўтказган сўровда 285 киши қатнашди.
Сўровда қатнашганларнинг 36 фоизидан ортиғи республикада деноминацияни амалга ошириш керак, деб ҳисоблайди.
35 фоиздан ортиқ кишилар янги йирик купюрани муомалага чиқариш зарурлигига ишонч билан овоз беришди.
Сўров иштирокчиларининг 16 фоизи "айни вақтда муомалада бўлган купюралар етарли" деган фикрни тасдиқлаганлар.
12 фоиздан кўпи "Ўзбекистонда аллақачон нақд пулсиз тўловга ўтиш вақти келди" дея ҳисоблашларини билдирганлар.
