ТОШКЕНТ, 4 янв - Sputnik. Жорий йил 21-23 феврал кунлари Бухорода зиёрат туризми бўйича биринчи Халқаро форум бўлиб ўтади. Бу ҳақда Ўзбекистоннинг Қирғизистондаги элчихонасига таянган ҳолда Кабар агентлиги хабар қилди.
Форум зиёрат-туризми соҳасида халқаро ҳамкорликни кенгайтириш, Ўзбекистонни дунёдаги энг йирик зиёрат туризми марказларидан бири сифатида тан олинишини таъминлаш, шунингдек, мамлакатни чет эл зиёратчи-туристларига янада танитиш ва жозибадор туристик йўналишларидан бири сифатида очиб бериш, тўғридан-тўғри инвестицияларни жалб қилиш ҳамда халқаро "Ҳалол" стандартларини жорий этиш мақсадида ўтказилади.
Форум ишида олимлар, теологлар, экспертлар ва зиёрат-туризми соҳасидаги мутахассислар иштироки кутилмоқда.
Тадбир иштирокчилари зиёрат жойлар ва Бухородаги зиёрат-туризм объектлари бўйлаб экскурсиялар ташкил этилади.
Бундан ташқари, форумда зиёрат-туризми, зиёрат туризми инфратузилмасини ривожлантириш учун инвестиция ва грантларни жалб қилиш масалалари муҳокама қилинади.
Кутилишича, форум иштирокчилари томонидан ислом маданияти ва цивилизацияси ривожида Ўзбекистон маданий-тарихий марказлари роли тўғрисида Декларация қабул қилинади ва чет эллик шериклар билан инвестицион шартномалар тузилади.
