ТОШКЕНТ, 2 янв - Sputnik. Ўзбекистонлик Владимир Норов Шанхай ҳамкорлик ташкилоти Бош котиби лавозимини бажаришга киришди, деб хабар қилди ТИВ матбуот-хизмати.
Ташқи ишлар вазирлиги хабарига кўра, Норов илгари Ўзбекистон Республикаси Президенти ҳузуридаги Стратегик ва минтақалараро тадқиқотлар институти директори лавозимида ишлаган ва Фавқулодда ва Мухтор Элчи мартабасига эга.
2006-2010 гйилларда Ўзбекистон Ташқи ишлар вазири лавозимини эгаллаган.
ШҲТ - 2001 йилда Хитой, Россия, Қозоғистон, Тожикистон, Қирғизистон ва Ўзбекистон етакчилари томонидан ташкил этилган халқаро ташкилотдир. Остонада 9 июнь куни ўтказилган ШҲТ саммитида Шанхай Ҳамкорлик Ташкилотига аъзо давлатлар етакчилари Ҳиндистон ва Покистонни ташкилотга қабул қилиш қарорини имзолаган эдилар.
Айни вақтда Афғонистон, Беларусь, Эрон ва Мўғулистон ташкилотда кузатувчи-давлатлар мақомига эга. Озарбайжон, Арманистон, Камбоджа, Непал, Туркия ва Шри-Ланка эса шерик-мамлакатлар саналади.
