ТОШКЕНТ, 25 дек — Sputnik. 2019 йилда умумтаълим мактабларини қуриш, реконструкция қилиш, мукаммал таъмирлаш ва жиҳозлаш бўйича манзилли дастури бўйича 975 млрд. сўмлик маблағ ажратилди, деб хабар қилди Халқ таълими вазирлиги ахборот хизмати.
Манзилли дастур доирасида 506 та объект қуриш, реконструкция қилиш, мукаммал таъмирлаш ва жиҳозлаш кўзда тутилган. Жумладан, 22 та янги мактаб қурилиши учун 2019 йилда 128,97 млрд. сўм йўналтириш кўзда тутилган. Мактабларнинг реконструкцияси учун 453,49 млрд. сўм ва капитал таъмирлаш учун 252,5 млрд. сўм ажратилган.
“Дастур доирасида мактабларни қуриш, реконструкция қилиш, мукаммал таъмирлаш ва жиҳозлаш учун Қорақалпоғистон Республикасида 44,4 млрд. сўм, Андижон вилоятида 74,44 млрд. сўм, Бухоро вилоятида 33,91 млрд. сўм, Жиззах вилоятида 40,62 млрд.сўм, Қашқадарё вилоятида 86,2 млрд.сўм йўналтириш режалаштирилган”, - дейилган хабарда.
Наманган вилоятида ушбу мақсадларга 74,54 млрд.сўм, Навоий вилоятида 24,54 млрд.сўм, Самарқанд вилоятида 97,85 млрд.сўм, Сирдарё вилоятида 24,10 млрд. сўм, Сурхондарё вилоятида 70,81 млрд. сўм, Тошкент вилоятида 73,77 млрд. сўм, Хоразм вилоятида 52,27 млрд. сўм, Фарғона вилоятида 74,28 млрд. сўм, Тошкент шаҳрида 63,2млрд. сўм маблағлар йўналтириш режалаштирилган.
