ТОШКЕНТ, 11 дек — Sputnik. Россиянинг 201-ҳарбий базаси ҳарбий хизматчилари Тожикистонда шартли жиноий гуруҳ ҳужумини бартараф қилди. Бу ҳақда Россия Мудофаа вазирлиги хабар қилди.
Машқлар ғоясига кўра, шартли террорчиларнинг қурол-яроғ ва ўқ-дори омборларига тайёрланаётган ҳужуми ҳақида маълумотлар олинади. Ҳарбийлар тревога бўйича кўтарилиб, ҳужум кутилаётган ҳудудга ташланади.
“Мотоўқчилар узоқдан жангариларни қуршаб олди ва махсус операция давомида уларни йўқ қилишди”, - дейилган хабарда.
Эслатиб ўтамиз, Тожикистонда жойлашган 201-ҳарбий база Россиянинг мамлакат ташқарисида бўлган йирик ҳарбий базаси ҳисобланади. 2012 йилда имзоланган шартномага кўра ушбу база Тожикистон ҳудудида 2042 йилга қадар қолиши мумкин.
