ТОШКЕНТ, 25 окт - Sputnik. Сурия-Ироқ чегараси орқали экстремистик қарашларни қўллаб-қувватловчи 50 мингдан ортиқ киши ўтди. Улар ўз ватанларига ёки бошқа давлатларга қайтиб бориши ИШИД террорчилик уюшмасининг гуруҳлари тарқалиш хавфини келтириб чиқаради. Бу ҳақда Россия мудофаа вазири ўринбосари Александр Фомин Пекиндаги хавфсизлик масалалари бўйича халқаро форумда маълум қилди. РИА Новости хабарига асосан.
“Жанговар ҳаракатлар зонасига кўплаб хориждан жангарилар келиши кузатилмоқда. Хусусан, Сурия-Ироқ чегараси орқали дунёнинг 100 та мамлакатидан бўлган 50 мингга яқин киши ўтди. Улар ўз ватанларига ёки бошқа давлатларга қайтиши ИШИД террорчилик уюшмасининг гуруҳлари тарқалиш хавфини келтириб чиқаради”, - деб таъкидлади Фомин.
Унинг сўзларига кўра, террорчилик уюшмаси тарафдорлари Яман, Миср, Ливия, Сомали, Афғонистон, Индонезия, Филиппин, шунингдек Европа Иттифоқи давлатларида қайд этилган.
Россия мудофаа вазирлиги раҳбари ўринбосари, террорчиларнинг раҳбарлари янги тарафдорларни жалб қилиш мақсадида интернетдан кенг фойланишмоқда.
Сурияда 2011 йилдан қуролли тўқнашувлар давом этмоқда. 2017 йил якунида Сурия ва Ироқда ИШИД устидан ғалаба эълон қилинди. Суриянинг алоҳида ҳудудларда жангарлардан тозалаш ишлари олиб борилмоқда. Ҳозирги вақтда биринчи навбатга вазиятни сиёсий йўл билан тартибга солиш, Сурияни тиклаш ҳамда қочоқларни қайтариш вазифалари чиқмоқда.
