ТОШКЕНТ, 6 окт - Sputnik. Бутун дунёга машҳур испаниялик опера хонандаси Монтсеррат Кабалье 85 ёшида Барселонада оламдан ўтди.
Бу ҳақда El Pais нашри тиббиёт ходимларига таянган ҳолда хабар тарқатди.
"Хонанда бугун оқшом Сан-Паудаги шифохонада вафот этди", - дейилади хабарда.
Дафн маросими душанба куни ўтказилади.
Таъкидланишича, Кабалье сентябр ойида Барселонадаги клиникаларнинг бирида даволаниш муолажаларини олган.
Монтсеррат Кабалье бельканто йўналишида тенгсиз деб тан олинган, шунингдек, мумтоз итальян опералар Россини, Беллини, Доницеттидаги роллари билан машҳур бўлган.
2012 йили Кабалье ёши, микроинсультни бошдан ўтказгани ва йиқилиб тиззасидан жароҳат олганига қарамай, жаҳоннинг қатор театрларида концерт берган.
Визит Монтсеррат Кабалье в Армению
© PAN Photo
