ТОШКЕНТ, 4 сен — Sputnik. Ўзбекистон бош вазири Абдулла Арипов 7 сентябр куни Россия бош вазири Дмитрий Медведев билан учрашади, деб хабар қилди РИА Новости.
Учрашувда томонлар энергетика, саноат, қишлоқ хўжалик ва таълим соҳаларидаги масалаларни муҳокама қилиш режалаштирмоқда.
Шундан сўнг, Медведев ва Арипов раислигида иқтисодий ҳамкорлик бўийча Ҳукуматлараро комиссияи 19-чи йиғилиши ўтказилади. Якунида бир нечта ҳужжат имзоланади.
Шанба куни Россия бош вазири Ариповни республиканинг Мустақиллик куни билан табриклаганди.
У келажакда инвестиция, энергетика, қишлоқ хўжалиги, саноат ва инфратузилма соҳаларида янги лойиҳаларни амалга ошириш бўйича икки томонлама ҳамкорлик ривожланишига умид билдирди.
Дмитрий Медведевнинг сўзларига кўра, сўнгги йилларда Ўзбекистон-Россия муносабатлари ишончли стратегик ҳамкорлик хусусиятига эга бўлди.
