ТОШКЕНТ, 21 авг - Sputnik. Сешанба, 21 август куни Ўзбекистоннинг ЮНЕСКОдаги янги тайинланган доимий вакили Умид Шодиев Тошкентдан Парижга учиб кетди, деб хабар берди мамлакат ТИВ матбуот-хизмати.
Илгарироқ, Умид Шодиев Нью-Йоркда Ўзбекистоннинг БМТдаги доимий ваколатхонасида маслаҳатчи лавозимида фаолият юритган.
Эслатиб ўтамиз, жорий йил феврал ойида Ўзбекистоннинг Биринчи президенти Ислом Каримовнинг кенжа қизи Лола-Каримов Тиллаева Ўзбекистоннинг ЮНЕСКОдаги элчиси лавозимини тарк этаётгани ҳақида эълон қилган эди.
Лола Каримова ушбу лавозимни 10 йил давомида эгаллаб келганди.
