ТОШКЕНТ, 18 апр — Sputnik. АҚШ Россияга қарши ахборот-психологик урушни бошлади, деди Спутник радиоси эфирида америкашунос эксперт Константин Блохин.
Ушбу воқеалар фонида Дональд Трамп маъмуриятининг радикаллашуви тушунарли ҳол, деб ҳисоблайди Р Фанлар Академиясининг ҳавфсизлик масалаларини тадқиқ қилиш маркази эксперти, америкашунос Константин Блохин.
"Америка президенти мамлакат Давлат котиби лавозимига Помпеони танлаб олгани эса бунинг яққол далилидир", — деб қўшимча қилди эксперт.
"Помпеонинг ҳозирги баёноти шу пайтгача Россияга нисбатан бўлган муносабатларнинг барчаси "хамир учидан патир" бўлганидан далолат бермоқда. Мана энди эса АҚШ Россия билан жиддий шуғулланишга киришган ва сўнгги амалга ошираётган ташаббуслари ҳам айнан шу муносабат билан қилинмоқда. Улар гўёки, биз Россия билан жиддий шуғулланмаганмиз, у бизга керак эмас эди, Россияга нисбатан мана энди ҳақиқий сиёсатимиз бошланмоқда демоқчидай. Бу қисман ахборот-психологик уруши. Биз Совуқ уруш-2.0 қандай авж олаётганига гувоҳ бўлмоқдамиз. Бизга Шимолий Кореяга сингари босим ўтказишмоқда. Бизни мустаҳкамлигимизни текширишмоқда, бизни синашмоқда, бизни ички томондан заифлаштиришга, ҳадик кайфиятига тушириб қўйишга интилишмоқда. Улар бизнинг халқимиз буларга жавобан матонат ва жасоратни намоён этишларини тушунишмаяпти", — сдеди Константин Блохин Sputnik радиоси эфирида.
