Тошкент кўчаларида сайр қилиб юрган қотил қўлга олинди

© ЦОС ФСБ РФ / Медиабанкка ўтишпреступник
преступник - Sputnik Ўзбекистон
Oбуна бўлиш
Қотилнинг ёнидан иккита паспорт аниқланган. Сохта паспортдан у МДҲ давлатларида фойдаланганлигини тан олган

ТОШКЕНТ, 26 ноя — Sputnik. 25 ноябрь куни Тошкент шаҳар ИИББ ходимлари томонидан ўтказилган "Тозалаш-антитеррор" операцияси жараёнида Қирғизистон Республикасида қидирувда бўлган шахс ушланди, деб хабар қилди Тошкент шаҳар ИИББ матбуот-хизмати.

Сотрудник правоохранительных органов - Sputnik Ўзбекистон
Тошкентда "Тозалаш-антитеррор" операциялари бошланди
1973 йилда туғилган Абдурахмонов Саибжон қотиллик содир этгани учун ўз юртида қидирувда бўлган, хавфли шахс Мирзо Улуғбек туманида жойлашган "Саёҳат" меҳмонхонаси ёнида қўлга олинган.

Абдураҳмонов ёнидан бир дона ўзининг номига расмийлаштирилган ва бир дона ўзининг сурати туширилган, лекин бошқа шахснинг анкета маълумотлари кўрсатилган Россия Федерациясининг фуқаролик паспорти аниқланган.

Ушбу фуқаро билан олиб борилган суриштирув жараёнида, у сохта паспортни Омск шаҳрида "тайёрлатгани" ва ушбу ҳужжатдан МДҲ давлатларида фойдаланганлиги аниқланган.

ИИББ хабарига кўра, Абдураҳмонов Ўзбекистон Республикаси ИИВ ЖИЭББга қарашли 1-сонли Тергов ҳибсхонасига жойлаштирилган ва ҳозирда уни Қирғизистон Республикасига этап қилиш чоралари кўрилмоқда.

Янгиликлар лентаси
0