ТОШКЕНТ, 13 ноя — Sputnik. Екатеринбург шаҳридан 33 нафар Ўзбекистон фуқаро Россия ҳудудида бўлиш қоидаларини бузганлиги учун Тошкентга жўнатилди, деб хабар қилди Свердловск вилояти федерал суд ижрочилари бошқармаси матбуот хизмати.
Шу билан бирга, суд томонидан ҳар бир муҳожирга 2 минг рубл миқдорида маъмурий жарима чораси тайинланди.
Таъкидлаб ўтиш керакки, 20 нафар муҳожир ўз ҳисобларидан авиа чипталарни харид қилишди, қолган 13 нафари Россия федерал бюджети ҳисобидан Ўзбекистонга қайтариб юборилди.
Свердловск вилояти федерал суд ижро бошқармаси томонидан шу йил бошидан 1419 нафар хорижий фуқаро ўз мамлакатларига қайтариб юборилди.
