ТОШКЕНТ, 31 окт – Sputnik. Олимпиада совриндори, жаҳон ва Осиё чемпиони Шаҳрам Ғиёсов фаолиятини профессионал боксда давом эттириши мумкин, деб ёзади "Оламспорт" нашри.
Ғиёсовнинг айтишича, у ҳозирча аниқ бир қарорга келгани йўқ. Унга бу борада катта таклифлар бўлмоқда. Таклифлар асосан АҚШдан бўлмоқда. Вариантлар орасида Боб Арумга тегишли "TOP RANK" компанияси борлигини айтишим мумкин. Ундан ташқари Германия ва Европанинг бошқа мамлакатларидан ҳам бор.
"Бу борада ўйлаб кўраман. Олдинда бизда Осиё ўйинлари бор. Лекин асосий мақсадим АҚШга йўл олиш. Чунки ҳақиқий профессионал бокс айнан океан ортида. Ҳақиқий шоулар ўша ерда ташкил қилинади", — деди Шаҳрам Ғиёсов.
