ТОШКЕНТ, 4 окт — Sputnik. Олий Мажлис Сенати 12-ялпи мажлисида 5 сентябр куни Бишкекда имзонланган Ўзбекистон билан Қирғизистон ўртасидаги давлат чегаралари тўғрисидаги шартномани ратификация қилиш тўғрисидаги қонун маъқулланди.
Қонун президент томонидан имзоланганидан сўнг кучга киради.
Қирғизистон президенти ратификация ҳақидаги қонунни 2 октябр куни имзолаганди.
Бишкекда 5 сентябр куни бўлиб ўтган учрашувда икки давлат президентлари баҳсли ҳудудлар ҳақидаги музокаралар давом этишини ва тез орада ҳал этилишини билдиришганди.
Эслатиб ўтамиз, Ўзбекистон ва Қирғизистон ўртасидаги чегараларни демаркация ва делимитация қилиш масалалари бўйича ишчи гуруҳлари 21-31 август кунлари Бишкекда, сўнгра Тошкентда учрашувлар ўтказганди.
