ТОШКЕНТ, 7 сен — Sputnik. Тошкент вилоятида учта NEXIA ва MAN автомашиналари тўқнашуви оқибатида олти киши ҳалок бўлди, яна олти киши касалхонага ётқизилди. Бу ҳақда Тошкент вилоят прокуратураси матбуот хизмати хабар берди.
Прокуратуранинг маълумот беришича, 6 сентябрь куни Тошкент — Термиз автомобиль йўлининг 832 км.да NEXIA автомашинаси ҳайдовчиси MAN юк машинаси билан тўқнашув содир қилган. Натижада юк машинаси йўлнинг қарама-қарши йўналишига чиқиб кетиб, яна иккита NEXIA автомашиналари билан тўқнашган. Воқеа жойида фавқулодда хизматлар ва ҳуқуқни муҳофаза қилувчи органлар ишлади", дейилади матбуот хизмати хабарида.
Мазкур ҳолат юзасидан Жиноят кодексининг 266-моддаси (транспорт воситалари ҳаракати ва улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари олиб борилмоқда.
