ТОШКЕНТ, 5 сен — Sputnik. Ўзбекистонда доимий яшовчи 118 киши, хусусан Тошкентда доимий яшайдиган 43 киши Ўзбекистон фуқаролигини олди.
Ўзбекистон Президентининг 2017 йил 15 августдаги ПФ-5155 сонли фармони талабларига асосан, республикада доимий яшовчи 118 нафар фуқаролиги бўлмаган шахсга мамлакат фуқаролиги берилди, деб хабар қилди Тошкент шаҳар ИИББ матбуот хизмати.
Жорий йилнинг 15 сентябрь куни Тошкент шаҳар ҳокимлиги ва Тошкент шаҳар ИИББ раҳбариятининг ташаббуси билан қирқ уч нафар шахсга Ўзбекистон Республикаси фуқаросининг биометрик паспортларини тантанали равишда оммавий ахборот воситаларида ёритилган ҳолда топширилиши режалаштирилмоқда.
