ТОШКЕНТ, 5 сен — Sputnik. Бугун Ўзбекистон МТРК Медиа-маркази биносида "Матч ТВ" телеканали шарҳловчиси Константин Генич, "Спорт" ва "Ўзбекистон24" телеканаллари ходимлари иштирокида ижодий учрашув бўлиб ўтди. Бу ҳақда uzbekistan24.uz хабар бермоқда.
Учрашувда ўзбек ва рус шарҳловчилари ўзаро тажриба ва малака алмашишди.
— Агар бугун Ўзбекистон миллий терма жамоаси жаҳон чемпионати йўлланмасини қўлга киритса, 2018 йилги мундиалда Ватанингиз термаси иштирокидаги ўйинларни ўзим шарҳлашни раҳбариятдан сўрайман, — деди Генич.
Генич Ўзбекистон терма жамоасига ЖЧ-2018 саралашидаги сўнгги ўйинда омад тилади.
Эслатиб ўтамиз, бугун бўлиб ўтадиган Ўзбекистон-Жанубий Корея учрашувини Константин Генич шарҳлаб боради. Генич кеча оқшом Тошкентга етиб келган.
