ТОШКЕНТ, 4 сен — Sputnik. Пхеньян навбатдаги ядро бомбани синовдан ўтказгач, АҚШ президенти Дональд Трамп КХДР бўйлаб зарба берилиши эҳтимолини инкор этмади. деб хабар беради РИА Новости.
Журналист томонидан: "АҚШ Шимолий Кореяга ҳужум уюштиришни режалаштиряптими?", деб берилган саволга Трамп "Кўрамиз", деб жавоб қайтарган.
Илгарироқ Трамп Пхеньян ҳаракатларини душман ҳаракатларига қиёслаб, бу давлатни АҚШ учун хавфли деб баҳолаган эди.
"Шимолий Корея йирик ядровий синовни амалга оширди. У АҚШ учун душманлик кайфиятида, у биз учун хавфли", — еб ёзган Трамп ўзининг Twitterдаги саҳифасида.
Трамп шунингдек, КХДРга "Хитой учун катта бошоғриқ ва йирик хавфга айланган, бошқариб бўлмайдиган давлат" дея таъриф берган.
Шу билан бирга АҚШ президенти Жанубий Корея ҳам шимолий қўшниси билан олиб боришга уринган тинчпарвар сиёсати бесамар кечаётганини тушуна бошлаганини ишонч билан таъкидлаб ўтган.
Шунингдек, август ойи ўрталарида Пхеньян америка ҳарбийлари базаси жойлашган Гуам ороли ҳудудига ўзининг баллистик ракеталарини учиришини айтиб, таҳдид қилган эди.
Трамп ўшанда "агар Шимолий Корея Гуам билан нимадир қилса, КХДР шу пайтгача кўз кўрмаган ҳодисани бошдан кечиради", — дея баёнот қилганди.
