ТОШКЕНТ, 30 авг — Sputnik. Япония Бош вазирининг ўринбосари, Молия вазири ва Вазирлар маҳкамаси раҳбари Синдзо Абэнинг энг яқин дўстларидан бири Таро Асо чоршанба куни Адольф Гитлер ҳақида айтган сўзлари учун узр сўради.
Бир кун аввал Асо ёш сиёсатчилар — ўз тарафдорлари олдида нутқ сўзлар экан, сиёсатчи фаолиятида натижа қай даражада муҳимлиги ҳақида гапирган ва Гитлерни мисол келтирган. "Сиёсатчининг мотивлари ҳақида сўрашмайди. Натижа муҳим. Бир неча миллион инсонни ўлдирган Гитлернинг мотивлари қай даражада тўғри бўлмасин, бу ярамайди", — деб айтган сиёсатчи.
"Гитлернинг мотивларига нисбатан хатога йўл қўйилганлиги кундек равшан. Мен ўз сўзларимни қайтариб оламан, чунки уни мисол тариқасида келтириш ноўрин эди", — деб айтган Асо. Сиёсатчи сўзларилан Киодо агентлиги иқтибос келтирган.
Япониянинг мухолифат Демократик партияси эса Асо томонидан айтилган гапларни қаттиқ танқид остига олган ва бу сингари дунёқарашга эга киши ҳукумат таркибига киритила олмаслигини қатъий билдирган.
