Инсон органлари савдоси учун 10 йил озодликдан маҳрум қилиш таклиф этилмоқда

© Sputnik / Андрей Стенин / Медиабанкка ўтишКамера заключения
Камера заключения - Sputnik Ўзбекистон
Oбуна бўлиш
Соғлиқни сақлаш вазирлиги томонидан “Ўзбекистон Жиноят кодексига ўзгартиришлар ва қўшимчалар киритиш тўғрисида”ги қонун лойиҳаси ишлаб чиқилиб, норматив ҳуқуқий ҳужжатларни муҳокама қилиш порталида умумий муҳокамага қўйилган

ТОШКЕНТ, 29 авг — Sputnik. Соғлиқни сақлаш вазирлиги инсон тана аъзоларини ноқонуний кўчириш ва савдо қилиш жиноятини содир этган шахсларга 10 йилга озодликдан маҳрум этиш жазосини қўллашни таклиф қилмоқда. Қонун лойиҳаси норматив ҳуқуқий ҳужжатларни муҳокама қилиш порталида халқ муҳокамасига қўйилган.

Во время операции по пересадке донорской почки - Sputnik Ўзбекистон
Ўзбекистонда инсон тана аъзоларини кўчириш ҳақида қонун лойиҳаси муҳокама қилинмоқда

Қонун лойиҳасига кўра, инсон тана аъзоларини ёки тўқималари ажратиб олиш ва ажратиб олишга ундаган шахсларни озодликдан чеклаш ёки 3 йилдан 5 йилгача озодликдан маҳрум этиш жазосини қўллаш таклиф қилинган.

Оғирлаштирувчи ҳолатларда жиноятчиларни 5 йилдан 8 йилгача озодликдан маҳрум этиш, инсон ўлими ҳолатларида 8 йилдан 10 йилгача озодликдан маҳрум қилиш билан жазолаш таклиф этилган.

Ушбу ҳужжат лойиҳаси 2017 йил 7 сентябрига қадар муҳокама қилинади.

Қонунни 2018 йил 1 январдан кучга киритиш режалаштирилган.

Йил охиригача Ўзбекистонда 30 та янги қонун лойиҳаси ишлаб чиқарилади
Эслатиб ўтамиз, бугунги кунда Ўзбекистон Жиноят кодексида инсон аъзолари ёки тўқималарини ажратиб олиш моддаси мавжуд бўлиб, унга кўра ушбу жиноятни содир этган шахсларга энг кўпи билан 5 йилгача озодликдан маҳрум этиш жазоси қўлланилиши мумкин.

Ўтган ҳафтада Соғлиқни сақлаш вазирлиги томонидан Ўзбекистон норматив-ҳуқуқий ҳужжатлар муҳокамаси порталида инсон органлари, тўқималари ва (ёки) ҳужайраларини трансплантация қилиш ҳақида қонун лойиҳаси умумуй муҳокамага қўйилгани ҳақида хабар берган эдик.

Ушбу қонуннинг асосий мақсади — замонавий фан ва тиббиёт ютуқларини ҳисобга олган ҳолда инсон органлари, тўқима ва (ёки) ҳужайраларини трансплантация қилиш соҳасидаги муносабатларни тартибга солишдан иборатдир.
Янгиликлар лентаси
0