TOШКЕНТ, 15 август — Sputnik. Бугун Тошкент Фотосуратлар Уйида Ўзбекистоннинг Биринчи Президенти Ислом Каримов ҳаёти ва фаолиятига бағишланган фотокўргазма ҳамда Ислом Каримов портретини яратиш бўйича ижодий танлов натижалари бўйича бадиий кўргазма очилади. Бу ҳақда Ўзбекистон Бадиий Академияси матбуот хизмати хабар бермоқда.
Эслатиб ўтамиз, шу йилнинг май ойида Ўзбекистон Бадиий академияси томонидан Биринчи Президент Ислом Каримовнинг энг яхши портрети танлови эълон қилинганди.
Илгарироқ Ўзбекистонда “Ислом Каримов хотирасига бағишланган энг яхши илмий-оммабоп мақола” кўрик-танлови эълон қилинганди. Кўрик-танловга 2016–2017 йилларда республика ҳамда хориж газета ва журналларида чоп этилган, интернет нашрларида берилган материаллар 2017 йилнинг 31 декабригача қабул қилинади. Кўрик-танлов ғолиби махсус диплом ва Ўзбекистон Республикасида белгиланган энг кам иш ҳақининг 100 баробари миқдорида пул мукофоти билан тақдирланади.