TOШКЕНТ, 8 август — Sputnik. Бугун бокс бўйича Ўзбекистон терма жамоаси жаҳон чемпионатига тайёргарлик кўриш мақсадида сўнгги ўқув йиғин машғулотларини ўтказиш учун Германиянинг Гамбург шаҳрига жўнаб кетди. Бу ҳақда Ўзбекистон бокс федерацияси матбуот хизмати хабар берди.
Германияга Ҳасанбой Дўсматов, Жасурбек Латипов, Муроджон Аҳмадалиев, Элнур Абдураимов, Иқболжон Холдаров. Шаҳрам Ғиёсов, Исроил Мадримов, Бектемир Мелиқўзиев, Санжар Турсунов ва Баҳодир Жалоловлар йўл олишган.
Хабарга кўра, боксчилар машғулотлар якунига етганидан сўнг шу ерда бўлиб ўтадиган жаҳон чемпионатида иштирок этишади. Бокс бўйича жаҳон чемпионати 25 августдан 2 сентябрга қадар бўлиб ўтади.
