TOШКЕНТ, 31 июл — Sputnik. Арманистоннинг Шаумян қишлоғидан бўлган ўн олти яшар курашчи Гегам Ованнисян электр узатиш симлари устунларида селфи тушмоқчи бўлиб ҳаётдан кўз юмди, деб хабар қилмоқда Sputnik Арманистон.
Фожиа тонг саҳарда юз берган. Гегам эрталаб дўстлари билан бирга Шаумян қишлоғидан Айгезард қишлоғигача югуриш машқларига чиққан, деб хабар берган нашрга Айгезард қишлоғи оқсоқоли Артур Манукян.
Тушунтириш берилишича, Гегам йўлда электрузатиш симлари устунларига чиқиб селфи тушишни хоҳлаб қолган.
"Бахтсиз ҳодиса эрталабки 8:30 да юз берди. Гегам 38 минг вольт кучланишга эга столбага чиқди. Дўстлари уни бу фикридан қайтармоқчи бўлишганди, аммо у қулоқ солмади", — деб айтган Артур Манукян.
Йигит мунтазам равишда спорт билан шуғуллангани айтилмоқда.
Айни вақтда судмедэкспертиза тайинланган, суриштитув ишлари олиб борилмоқда. Йигит ток уриши натижасида ҳалок бўлганми ёки йиқилиш оқибатида — аниқланмоқда.
