TOШКЕНТ, 29 июл — Sputnik. Ўзбекистон президенти Шавкат Мирзиёев Дилмурод Қосимовни президент ҳузуридаги тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил этиб тайинлади. Бу ҳақда президент матбуот хизмати хабар бермоқда.
Президент ҳузуридаги тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил институти давлат раҳбарининг фармони билан шу йилнинг май ойида жорий этилган эди.
Унинг асосий вазифаси тадбиркорлик субъектлари ҳуқуқлари ва қонуний манфаатларини кафолатли таъминлаш, давлат органларининг тадбиркорлик субъектлари фаолиятига асоссиз аралашувига йўл қўймаслик, шахсий мулк дахлсизлигининг қонуний механизмларини мустаҳкамлаш шунингдек, тадбиркорлик субъектларини устуворлиги принципини таъминлашдан иборат.
Бизнес-омбудсман тадбиркорлик субъектлари манфаатларини ҳимоя қилиш учун судга мурожаат қилиш, давлат органларининг тадбиркорлар ҳуқуқ ва қонуний манфаатларини ҳимоя қилиш билан боғлиқ йиғилишларида қатнашиш ҳуқуқига эга.
