ТОШКЕНТ, 10 июл — Sputnik. Кейинги кунларда Ўзбекистонда кузатилаётган жазирама об-ҳаво туфайли тошкентликлар ва умуман вилоят аҳолиси салқинлаш учун Чорвоқ сув омбори томон шошилишга мажбур бўлишган.
Facebook ижтимоий тармоғида эълон қилинган суратларда кўриниб турибдики, Чорвоқ сув омбори йўлида машиналарнинг улкан тарбандлиги ҳосил бўлган.
Ушбу масала бўйича интернетда қуйида фикрлар билдирилмоқда:
"Шу пробкада ўтиргандан кўра, тинчгина уйда ўғлимга олиб берган бассейнда чўмилганим яхши " — дея ҳазиламуз изоҳ қолдирган Mamatov Nematjon.
"Машинамга ачиниб кетдим, тормозларни гапирмаса ҳам бўлади" — деб изоҳ ёзган Равшан Исраилов.
Фотосуратлардан бирининг остида фойдаланувчилардан бири "Айтдим-а, Тошкентда тирбандликлар йўқолиб қолди, гап бу ёқда экан-да", — деб ёзган.
