TOШКЕНТ, 6 июл — Sputnik. Сўнгги бир ҳафта давомида Нукус шаҳрида ҳаво ҳарорати кескин кўтарилиб кетгани сабабли шаҳардаги айрим болалар боғчаларида вақтинча таътил эълон қилинди, деб ёзади karinform.uz.
"Ота-оналарнинг берган маълумотларига кўра, 5 июлдан 10 июлга қадар таътил берилган.
Мазкур таътил ҳаво ҳароратига қараб яна узайтирилиши мумкин", дейилади хабарда.
Эслатиб ўтамиз, Ўзбекистон гидрометеорология маркази республика бўйича ҳаво ҳарорати ўртача кўп йиллик қийматларидан 4-6 даражага юқори бўлган жуда иссиқ об-ҳаво сақланиб туриши ҳақида хабар берганди.
