TOШКЕНТ, 5 июл — Sputnik. Ўзбекистон Ҳарбий-ҳаво кучлари учувчилари мамлакат жанубидаги ўқув машғулоти давомида шартли душманни йўқ қилдилар. Бу ҳақда "Ўзбекистон" телеканалига асосланиб РИА Новости хабар берди.
Хабарда айтилишича, мазкур ўқув машғулотлари жанговар ҳолатга яқин кўринишда, баланд тоғ шароитида, вертолёт ва Су-25 тактик авиациясидан фойдаланилган ҳолда ўтказилди.
Машғулотларда ўнта парвоз экипажи, Жануби-ғарбий махсус ҳарбий округнинг "Сариосиё" павильони ва Хонобод аэродромидан фойдаланилди.
Машғулот сценарийсига кўра, самолёт ва вертолётлар дастлаб маҳаллий ҳудуд узра ҳаво разведкасини ўтказди, сўнгра баландлиги 4 минг метрдан ортиқ бўлган тоғ шароитида жойлашган шартли душманнинг асосий кучларига бомба-ҳужум зарбаларини берди.