ТОШКЕНТ, 24 июн — Sputnik. 2017-йилнинг 24-июн куни Қозоғистоннинг Актобе вилояти ҳудудида юз берган йўл-транспорт ҳодисаси натижасида ҳалок бўлган 9 кишининг жасади ва 38 нафар жароҳатланганлар юкланган махсус самолёт Ўзбекистонга қайтди, деб хабар қилди Ўзбекистон Ташқи ишлар маҳкамаси.
Мамлакат раҳбарияти топшириғига биноан етиб борган Ўзбекистон Мудофаа вазирлигининг тиббиёт ходимлари маҳаллий шифокорлар билан биргаликда даволанаётган Ўзбекистон фуқароларини кўздан кечирганлари ва барчага ватанга қайтаришга рухсат берганлари айтилмоқда.
Ўзбекистон Элчихонаси маълумотига кўра, Актўбе шаҳри аэропортидан эрта тонгда махсус самолёт Ўзбекистонга йўл олган.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
