ТОШКЕНТ, 14 июн — Sputnik. Интернет тармоғида Брюс Лининг аралаш жанг санъати (ММА) қоидалари бўйича ягона нусхадаги видеоси эълон қилинди. Ноёб видео Bruce Lee Central нинг YouTube-каналида омма эътиборига ҳавола қилинган.
Daily Mail хабарига кўра, видеода Брюс Ли ўз шогирди Тэд Вонг билан жанг қилиши тасвирланган. Айтиш жоизки, Вонг ҳозирга қадар АҚШжа шарқ яккакурашидан сабоқ бериб келмоқда.
Ноёб кадрлар Калифорниядаги Брюс Ли томонидан асос солинган Жит Кун-до мактабида суратга олинган.
Видеога қолдирилган изоҳда икки жангчи ҳам ММА қоидаларига мувофиқ тарзда ҳимоя либослари ва қўқопларда жанг қилишганлари айтилган. Аммо Брюс Ли "яланғоч қўл билан жанг қилишни афзал кўрганлиги алоҳида қайд этилган.
Икки кун ичида роликни етти миллиондан ортиқ инсон томоша қилган.
