ТОШКЕНТ, 8 июн — Sputnik. Дубай халқаро аэропортининг 3-терминалидан парвоз қиладиган БАА фуқаролари назорат пунктида паспорт ўрнига смартфонларидан фойдаланишлари мумкин, деб хабар бермоқда РИА Новости.
БАА фуқароларига Smart UAE Wallet иловасини смартфонларига юклаб олиш таклиф этилмоқда. У ҳар бир йўловчини текшириш вақтини 9-12 сонияга қисқартиради.
Тез орада технология аэропортнинг барча терминалларида жорий этилади.
Йўловчилар паспорт назорат пунктида "ақлли эшик"дан ўтаётганларида смартфонларидан фойдаланишлари ва бармоқ изларини сканер қилишлари лозим бўлади.
Телефонда илова ёрдамида барча паспорт ҳамда авиабилет маълумотлари сақланади.
Келгусида иловани фуқароларнинг барча ташкилот ва муассасаларда паспорт кўрсатишларига ҳожат қолмайдиган тарзда ривожлантириш режалаштирилган — ҳамма маълумотлар фуқароларнинг смартфонида бўлади.
Дубай аэропортининг 55 %ини БАА фуқаролари ташкил этади, шу сабабли илова яратувчилари йўловчиларни паспорт назоратидан ўтказиш вақти тезлашишини билдиришмоқда.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
