ТОШКЕНТ, 31 май — Sputnik. Тошкент вилояти ҳокимияти ва соҳавий вазирликлар билан биргаликда келгуси ойларда Чирчиқ дарёси бўйида ноқонуний қурилган чорбоғлар (дачалар) бузиб ташлаш ишлари бошланади. Бу ҳақда ҳалқаро пресс-клуб йиғилишида Давлат экология ва атроф муҳитни муҳофаза қилиш қўмитаси вакили маълум қилди.
Давлат экология қўмитаси вакили сўзларига кўра, тез кунларда махсус комиссия тузилиб, Чирчиқ дарёси чап ва ўнг қирғоғида қурилган бинолар аҳволи таҳлил қилиб чиқилади. Шундан сўнг ноқонуний қурилган биноларни бузиш бўйича ишлар бошланади.
"Бугунги кунда Чирчиқ дарёси бўйида 200 дан ортиқ ноқонуний қурилган бинолар мавжудлиги аниқланган. Ҳозирги кунда пухта текширув ўтказилмоқда ва якуний рўйхат Тошкент вилояти ҳокимиятига юборилади. Шундан сўнг тегишли ишлар бошланади. Бугунги кунда табиатни муҳофаза қилиш масалалари бўйича ҳукумат қарори тайёрланмоқда. Ушбу қарор қабул қилингандан сўнг сал кам бир ой ичида мониторинг ўтказилади", — деб таъкидлади Давлат экология ва атроф муҳитни муҳофаза қилиш қўмитаси вакили.
Шунингдек, мутахассис фикрига кўра, ушбу чора-тадбирлар икки хилдаги қурилиш объектлар ажратилади. Жумладан дарё бўйида ноқонуний қурилган бинолар сўзсиз бузиб ташланади. Лекин рухсатнома бўлган бинолар ва улар сел оқими хавфи зонасида қурилган бўлса, бундай бинолар дарё қирғоғидан тепароқ бўлган хавфсиз жойларга кўчириш чоралари кўрилади.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
#/media/File:Chirchiq_river_near_Chorvoq.JPG){kind=link}