TOШКЕНТ, 15 май — Sputnik. Тошкент шаҳар ҳокимияти Шимолий вокзали олдидаги кўприк ўтказгич йўли қурилиши лойиҳасини амалга ошириш бўйича ишлар бошлаб юборилди. Бу ҳақда Sputnik Ўзбекистон мухбири хабар бермоқда.
Ушбу йўл Кичик ҳалқа йўлининг муҳим бўғини ҳисобланди. Тошкент шаҳрининг маркази билан шаҳарнинг шарқий томонида жойлашган туманлар ва Тошкент вилояти туманлари билан боғлайди. Лекин 2008 йилда ушбу кўприк йўли демонтаж қилинади ва кўприк қисман бузилади. Бунинг оқибатида транспорт воситаларининг қатнови шаҳар марказига ҳаракатланиш ўрнига, тирбанд бўлган айланма йўлларга йўналтирилган эди.
Натижада Шимолий вокзал атрофидаги йўлларда транспорт қатновини тиғизлаштириб қўяр эди. Вазият шу даражада жиддийлашдики, мазкур муаммо ҳал қилиниши учун шаҳар аҳолиси томонидан президент халқ қабулхоналарига мурожаат қилишади. Энг қизиғи, аввалги кўприкни демонтаж қилинган қисмида турар жой массиви барпо этилади. Энди бу массивни бошқа ерда кўчириб бўлмайди.
Ушбу қурилиш лойиҳасига кўра, кўприкнинг эни 30, узунлиги 346 метр бўлган қисми реконструкция қилинади. Эни 22, узунлиги 281 метр бўлган қисми янгидан қурилади. Шунда кўприк йўли турар жой массивини айланиб ўтади.
Шу билан бирга йўл четида махсус пиёдалар йўлаклари қурилади. Бу ҳайдовчи ва йўловчиларга қулайлик яратиш баробарида ҳаракат хавфсизлигини таъминлаш даражасини ҳам оширади.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
