TOШКЕНТ, 13 май — Sputnik. "Пахтакор" футбол клуби раҳбариятида ўзгаришлар рўй берди. Клуб матбуот хизматининг хабар беришича, клуб вице-президенти сифатида фаолият олиб борган Бобур Шодиев клуб президенти этиб тайинланди.
Клуб бош директори лавозимида ишлаб келган Умид Аҳмаджонов клуб вице-президенти лавозимини эгаллади.
"Пахтакор" клуби бош директори этиб Дмитрий Адисман тайинланди.
Эслатиб ўтамиз, апрелда клуб бош мураббийи Григорий Колосовский мавсум бошидаги қониқарсиз натижалардан сўнг истеъфога чиқарилиб, унинг ўрнига Равшан Ҳайдаров бош мураббий этиб тайинланганди. Ҳозирда "Пахтакор" Ўзбекистон чемпионатида 8-ўринда бормоқда.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
