Путин Россия ва ОДКБ давлатларида "рангли инқилоблар"га йўл қўймаслигини айтди

ТОШКЕНТ, 12 апр — Sputnik. Россия ҳукумати мамлакат ичкарисида каби, ОДКБга аъзо давлатларда ҳам рангли инқилоблар юз бермасли учун ҳаракат қиладилар, деб баёнот қилди Россия президенти Владимир Путин. РИА Новости хабарига асосан.

"Биз турли давлатларда амалга ошириладиган турли назарияларни биламиз, улар минтақаларда жиддий нотинчликларга олиб келади. Албатта, бу каби ҳодисалар юз беришига йўл қўймаслигимиз лозим ва Россияда ўзимизни тегишли тарзда тутишга ҳамда ОДКБ бўйича ҳамкорларимизни қўлдан келганча қўллаб-қувватлашга ҳаракат қиламиз", — деган Путин "Мир" телеканалига берган интервьюсида.

"Рангли инқилоблар" — ҳукумат ўзгариши жараёнининг умумий номидир. Рангли инқилобларга Грузияда юз берган "атиргул инқилоби", Қирғизистондаги "лола инқилоби", Украинадаги "зарғалдоқ ранг инқилоб", Тунисдаги "ясмин инқилоби", ва Мисрдаги "нилуфар инқилоби"ни мисол келтириш мумкин. Улар одатда тинчлик митинглари кўринишида бошланади ва ҳуқуқий нормалар доирасидан чиқиб кетадиган кескин норозиликларга айланиб кетади. Асосан ташқи томондан фитна тарзида уюштириладиган бундай ҳаракатларнинг асосий мақсади давлат ҳокимиятини тўнтаришдан иборат бўлади.